Unai Hualde, Napar Buru Batzarreko presidente berrautatua

Unai Hualde Iglesias Napar Buru Batzarreko presidente berrautatua komunikabideen aurrean agertu da EAJ-PNV Nafarroa alderdiaren barne hauteskunde prozesuaren ostean. Hualderekin batera, herrialde batzorde exekutiboa osatuko duten 10 burukide aukeratu dituzte, Nafarroak Aberri Batzarrean dituen 20 ordezkari (15 titular eta 5 ordezko) eta Nafarroako Justizia Epaimahaiko 5 ordezkari (3 titular eta 2 ordezko) datozen lau urteetarako.

Komunikabideei egindako adierazpenetan, Hualdek gogorarazi du 2025ean 115 urte beteko dituela EAJ-PNVk Nafarroan. "Iragana, oraina, baina, batez ere, etorkizuna duen alderdia gara. Jende gaztea duen alderdia, eta esperientzia profesional eta politikoa duen jendea; kultura oso finkatu bat duen alderdia, non proiektua pertsonen gainetik dagoen; alderdi honetan beti izan dugu eta argi daukagu denok garela beharrezkoak, baina inor ez dela ezinbestekoa", nabarmendu du.

EAJk "Nafarroako herritarrentzat etorkizun hobe baten alde lanean jarraitzeko taldea, esperientzia eta ilusioa" dituela adierazi du berrautatutako NBBko presidenteak. "115 urte lur honetan eman ondoren, hazten jarraitzeko eta Nafarroari atxikitako indar politiko gisa sendotzeko aukera egoera batean gaude", esan du.

Lau erronka nagusi izango ditu alderdiak datozen lau urteetan, Hualdek azaldu duen bezala: dinamizazio soziala, udalgintza, autogobernuaren eta euskararen garapena, eta esparru abertzalea indartzea, Nafarroako aniztasuna errespetatuz.

Zentzu honetan, Hualde ziur agertu da alderdia unerik onenean dagoela Nafarroan zatiketa gertatu zenetik, afiliazioan hazkundea izan baitu azken urteetan eta lurralde-presentzia handiagoa baitu udal-erakundeetan. Era berean, ekintza politikoak herritarrengandik hurbilen dagoen mailan duen garrantzia "nuklearra" azpimarratu du, udaletako alkateak eta zinegotziak protagonista direla: "Beren jardunaren, balioen eta alderdi honen lan onaren bidez gizarteari hobekien proiektatzen diotenak dira. Politika obran bertan ".

NBBko presidenteak azpimarratu duenez, beharrezkoa da "autogobernuan sakontzea, betiere Nafarroa erabakitzeko subjektu politiko gisa hartuta, Estatuarekin aldebiko harreman eraginkorra lortzeko berme hobeekin formula berriak eraikitzea, gainerako euskal lurraldeekin harremana sakontzea eta euskararen garapenean eragile aktiboa izatea, Nafarroako edozein atzerakadaren aurka borrokatuz".

Azkenik, Hualdek gogorarazi duenez, "EAJ-PNVren apustua hautsiezina izan da Nafarroan azken hamarkadetan izandako koalizioen bidez", eta "datozen urteetako erronka ezberdinen artean lan egiten jarraitzea da, EAJ-PNV duela 115 urtetik aktore nagusi den aniztasunarekiko errespetutik espazio abertzale hau babesteko eta sendotzeko".

NAPAR BURU BATZAR

Unai Hualde Iglesias. Altsasuko UEko alderdikidea (1999). 48 urte. Euskalduna. Zuzenbidean lizentziatua. Giza Baliabideen Zuzendaritzako graduondokoa. Espezializazioa Tokiko Administrazio Zuzenbidean Altsasuko alkate ohia, Altsasuko zinegotzi ohia, Egun Nafarroako Parlamentuko Presidentea.

Carlos Andres Uranga. Burlatako UEko alderdikidea (2013). 33 urte. Euskalduna. Enpresen Administrazioan lizenziatuta eta Banka eta Finantza Araudietan masterra. Ekonomia Sustapena, Europako Proiekzioa, Berrikuntza, Gazteria eta Garapenerako Lankidetzaren Arloko zuzendaria, Iruñeko Udaletxean.

Juanjo Ausan Errandonea. Eguesibarko UEko alderdikidea (1986). 55 urte. Euskalduna. Ingenieri informatikoa. Herrialde Batzarreko presidente ohia eta Eguesibarko UBB presidentea. Aberri Batzarreko ordezkari ohia. Eguesibarreko zinegotzi ohia. Lanbidea: CENEReko informatikoa.

Idoia de Carlos Espartero. Uharteko UEko alderdikidea (2017). 35 urte. Historian lizentziatua eta Kazetaritzan graduatua. NBBeko burukidea. Zinegotzia Uharten. Nafarroako EAJ-PNVko komunikazio arduraduna.

Luis de Potestad Telletxea. Auritz-Burgueteko UEko alderdikidea (2015). 51 urte. Zuzenbidean Lizentziatua. Burgueteko UBBeko presidentea. Auritz-Burgueteko zinegotzi ohia, Auritz-Burgueteko alkate ohia. Udaleko idazkaria.

Ione Fagoaga Etxarte. Lesakako UEko alderdikidea (2021). 40 urte. Euskalduna. Lan harremanetan diplomaduna. Lesakako UEko idazkaria. Lesakako zinegotzia. Administraria.

Amaiur Guindeo Arandigoien. Burlatako UEko alderdikidea (2017). 26 urte. Euskalduna. Zuzenbidean lizentziatua. Abokatutzan Sartzeko Masterra. Gatazka juridikoen bitartekaritzarako aditu titulua. Burlatako UEko presidentea. EGI Nafarroako idazkaria. Burlatako zinegotzia. Egun, idazkaria Nafarroako Gobernuko Industria eta Trantsizio Ekologiko eta Digitaleko Departamentuan.

Anika Luján Martínez. Tuterako UEko alderdikidea (2020). 55 urte. Euskalduna. Magisteritza eta Historian lizentziatua. Tuterako UEko presidentea. Senatari ohia. Argia ikastolako irakaslea

Javier Ollo Martínez. Altsasuko UEko alderdikidea (2011). 33 urte. Euskalduna. Zuzenbidean lizentziatua. Altsauko UEko idazkari ohia, NBBeko burukidea. Altsasuko alkatea eta Geroa Baiko parlamentari forala.

Blanca Regúlez Álvarez. Lizarrako UEko alderdikidea (2012). 54 urte. Zuzenbidean lizentziatua, Ikasketa Kooperatiboen Diploma eta Finken Administrazioko tituluduna. NBBeko burukidea. Lizarrako zinegotzia eta Geroa Bairen parlamentaria.

Andoni Serrano Zabalza. Zizur-eko UEko alderdikidea (2015). 36 urte. Euskalduna. Diagnosi Irudiko eta Medikuntza Nuklearreko Goi Mailako Teknikaria NBBeko burukidea eta Zizurreko zinegotzia.