“Aurkeztu ditugun proposamen guztiek eta beste talde politiko batzuekin adostutakoek oinarria dute Ganbera honetako gehiengo zabal batekin akordioak lortzeko borondatean, hori guztia Bizkaiko herritarren kezka eta arazoei irtenbideak emateko helburuarekin”. Hori izan da EAJ-PNVren abiapuntua eta hala azaldu du Jesús Lekerikabeaskoa EAb-ko (Euzko Abertzaleak) bozeramaileak Bizkaiko Batzar Nagusietan, joan den asteazkenean egin zen Lurraldeko Politika Orokorreko osoko bilkuraren bigarren saioan, Gernikako batzar-etxean. Ildo horretan, eta aurretik egindakoarekin koherentea izanik, EAJ-PNV gai izan da lurralde-ganbera osatzen duten talde politiko guztiekin ekimenak adosteko.
Guztira, Bizkaiko Parlamentua osatzen duten taldeek 20 ebazpen-proposamen aurkeztu dituzte (bakoitzak 5). Batzarkide talde jeltzaleak bost ekimen aurkeztu ditu eztabaidarako eta akordiorako (PSE-EErekin batera), Elixabete Etxanobek, Bizkaiko ahaldun nagusiak, azken urtean egindako kudeaketaren berri eman eta Bizkaiko Foru Aldundiak abian jarriko dituen etorkizuneko ildo politikoak aurreratu zituen osoko bilkuraren lehen egunean. “EAJ-PNVk arduraz jokatzen du, bai gure planteamenduetan, bai erakundeen eguneroko kudeaketan. Hori izan da baldintza nagusia gure proposamenak idazterakoan eta hori izan da ere beste alderdiek planteatutakoak jorratzeko, aztertzeko eta adosten saiatzeko jarrera”, azaldu du Lekerikabeaskoak.
Laburbilduz, Foru Gobernuari babesa ematen dioten taldeek (EAJ-PNV eta PSE) erregistratutako bost proposamenetatik bi EH Bildurekin transakzionatzea lortu da (lehena eta hirugarrena); era berean, EH Bilduk planteatutakoetatik bigarrena adostu da eta bosgarrenaren alde bozkatu da. Partido Popularraren ekimenei dagokienez, talde jeltzaleak hirugarrena eta bosgarrena adostu ditu, eta, Elkarrekin Bizkaia Talde Mistoari dagokionez, bigarren proposamenaren testua adostu du, eta hirugarrenaren lehen artikuluaren alde bozkatu du. Hala, agerian geratu da Gernikako Ganberan ordezkaritza duten alderdi politiko guztiekin adostea lortzeko eta akordioetara iristeko nahia eta gaitasuna duela EAJ-PNVk.
EUSKAL TALDEAREN PROPOSAMENAK (PSErekin batera aurkeztutakoak) eta aurrera atera direnak:
- Mugikortasun iraunkorra: Aldundiari eskatzen zaio mugikortasun iraunkorra bermatuko duten politikak sustatu eta gara ditzala, garapen ekonomiko orekatu eta erresilienteaz gain, Bizkaian biodibertsitatea babestera begira, naturguneetan arreta berezia jarriz.
- Bizi-luzetasuna eta demografiaren erronka: foru erakundeari eskatzen zaio ikertu eta hauteman ditzala erronka demografikoari eta bizitza-luzerari lotutako beharrak, arazoak eta aukerak, zainketen asistentzia-eredua hobetzeko proposamenak egin ditzala, eta lagun dezala sektoreko profesionalen prestakuntzan eta trebakuntzan.
- Enplegu-politikak: biztanleriarik ahulenari zuzendutako enplegu-politikak indartzeko helburuarekin, Aldundiari eskatzen zaio migratzaileei laguntzeko programak bultza ditzala, haien erregularizazio administratiboa eta lan-merkatuan sartzea ahalbidetzeko, gazteen enplegua sustatzeko laneratzea sustatzen duten jarduketen bidez eta genero-ikuspegia indartzeko enplegu-programa guztietan.
EUSKAL TALDEAK BESTE TALDE BATZUEKIN ADOSTUTAKO PROPOSAMENAK, Ganberak onartu dituenak:
- Lehen sektorea: EAJ-PNVk EH Bildurekin adostu du Suspertze Plana garatzea, parte-hartze prozesu zabal baten bidez lehen sektorearekin lortu den adostasunaren ondorioz eta baserritarrak politiken erdigunean jarriz. Era berean, Mendiei buruzko Foru Araua izapidetzea bultzatuko da, eta lehen sektoreari buruzko gogoeta- eta eztabaida-guneak artikulatzen jarraituko da. Bizkaiko Ganberak aho batez onartu du.
- Mendekotasun egoerei arreta ematea eta autonomia sustatzea: EAJ-PNVk akordioa lortu du EH Bildurekin, eta, horren bidez, beste urrats bat emango da eta estrategia partekatuen bidez lan egingo da, era autonomoan edo mendekotasun-egoeretan etxean eta komunitate-ingurunean bizitzeko nahiari bide emateko, zentzu horretan hainbat neurri hartuta.
BESTE TALDE BATZUEK AURKEZTUTAKO PROPOSAMENAK, TRANSAKZIONATU eta aurrera atera direnak:
- Bizkaia Orekan Sakonduz: EH Bilduk aurkeztutako eta EAJ-PNV/PSErekin transakzionatutako jatorrizko ekimena, zeinaren bidez Bizkaiko Foru Aldundiari eskatzen baitzaio Bizkaia Orekan Sakonduz estrategiaren esparruan diseinatutako programekin jarraitzeko, eskualde guztietako Plan Estrategikoak egiten lagunduz. Horretarako, erakundearen laguntza teknikoa eskatzen da, baita eskualde horietako proiektu eraldatzaileen finantzaketan parte hartzea ere.
- Zerga-berrikuspena: PPk aurkeztutako eta EAJ-PNV/PSErekin transakzionatutako jatorrizko ekimena da. Horren bidez, Bizkaiko Foru Aldundia konprometitzen dute berrikuspen fiskalari buruzko foru-arauaren proiektuan pertsona ahulenen tributazioaren PFEZaren aldaketa sartzera, aitorpen-atalasea eta lan-eboluzioaren eta -errenten atxikipenak igoz
- Zerga-berrikuspena: PPk aurkeztutako eta EAJ-PNV/PSErekin transakzionatutako jatorrizko ekimena. Horren bidez, Bizkaiko Foru Aldundia konprometitzen dute zerga-berrikuspenari buruzko foru-arauaren proiektuan zerga-neurriak sartzera, erronka demografikoari aurre egiteko neurri espezifikoen bidez, bai PFEZn bai enpresen sozietateen gaineko zergan kontziliaziorako.
- Garraio publikoa: Elkarrekin Bizkaiak aurkeztutako jatorrizko ekimena, EAJ-PNV/PSErekin transakzionatua. Ekimen horretan, foru erakundeari eskatzen zaio, besteak beste, premiazkoenak diren beharrei erantzuteko, Bizkaibusen ordutegiak eta maiztasunak aldatuz, esate baterako, Enkarterrin eta Busturialdean, eta garraio publikoaren tarifen hobariei eusteko, betiere Estatuko araudian jasotako baldintzak mantentzen badira.
BESTE TALDEEK AURKEZTUTAKO PROPOSAMENAK, BOTO POSITIBOA JASO DUTENAK
- Estatus berria: EH Bilduk aurkeztutako ekimena, EAJ-PNVren batzarkide-taldearen aldeko botoa jaso duena.
- Klima-aldaketa eta trantsizio energetikoa: Elkarrekin Bizkaiak aurkeztutako ekimena. Proposamenaren bi artikuluak bereizita bozkatu dira. Lehenengoak jeltzaleen batzarkide-taldearen aldeko botoa jaso du.
02Urriak 
