EAJ-PNVren Lehendakarigai Imanol Pradalesek Euskal Ekonomia Ituna defendatu du gaur, Euskal autogobernuaren adierazpenik goorenena den aldetik, eta errespeturik handiena eskatu du: “beste indar politikoei eskatzen diet, kasu honetan Aragonés President jaunari, guk berari Kataluniarentzat finantzaketa sistema bereizia erreklamatzen duenean erakusten diogun errespetu berbera. Baina ez ditzala gauzak nahastu”, ziurtatu du
"Edozein alderdi politikok edo Aragones jaunak Katalunia finantzatzeko sistema bat planteatzea errespetatzen dugu, Euskal Ekonomia Itunaren antzera, baina ez dugu onartzen insolidarioak garela iradokitzerik", baieztatu du Imanol Pradalesek. EAJ-PNVren lehendakarigaiak Ekonomia Ituna defendatu du eta errespetua eskatu du, "euskal autogobernuaren adierazpen gorena delako eta euskal gizartearentzat ongizate-iturria delako. Osasuna, hezkuntza, industria-politikak, enplegu-politikak edo DSBE finantzatzeko aukera ematen digun finantzaketa-sistema da”.
Pradalesek ildo beretik gogorarazi du Euskadiko Ekonomia Ituna berezitasun bat dela, Gernikako Estatutuak eta Espainiako Konstituzioak legez babesten dutena, eta, gainera, solidarioa dela, "gure biztanleriaren arabera dagokigunetik gora laguntzen dugulako. Euskadik gutxi gorabehera % 4,6 egiten du Estatuko guztizko biztanlerian, eta % 6,24ko ekarpena egiten dugu Estatuaren gastu orokorrak finantzatzeko".
"Ekonomia Itunaren sistema berezia da, solidarioa, eta, gainera, alde bakarreko arriskua du. Horrek esan nahi du guk Euskadin politika publikoak kudeatu behar ditugula, Euskadin biltzen dugunarekin, inor gu erreskatatzera etorri gabe eta Estatua dirua jartzera etorri gabe, gauzak gaizki badoaz. Beraz, Euskal Ekonomia Ituna errespetatzen dut, eta nik beste indar politiko batzuei eskatzen diedan errespetu bera da, kasu honetan Aragonés President jaunari, guk beraiei ematen dieguna Kataluniarako bestelako finantzaketa-sistema bat planteatzen duenean. Baina ez ditzala gauzak nahastu", amaitu du.
