Mikel Arruabarrena legebiltzarkideak uste du Eusko Jaurlaritzak urteetan lan egin duela, eta oso ondo, euskal enpresak Euskadira errotzeko faktore guztietan, "Europan eta nazioartean erreferentzia bihurtu diren sustapen-politiken bidez"
EAJ-PNVko legebiltzarkide Mikel Arruabarrenak euskal enpresak lurraldean errotzea sendotuko duten neurri gehigarrietan lan egiten jarraitzearen alde egin du, Eusko Legebiltzarrean Lege Proposamen bat izapidetzearen aldeko jarrerarekin, eta helburu nagusi bezala enpresen deslokalizazioei pizgarriak kentzea izanik.
Arruabarrenak ostegun honetan Eusko Legebiltzarrean egindako osoko bilkuran adierazi duenez, Euskadik urteak daramatza enpresak errotzeko lanean, “faktore guztietan eta arrakastaz”, Europan eta nazioartean erreferentzia bihurtu diren sustapen-politiken bidez. Horren adibide dira legeen arloan dauden erreferente ugariak, hala nola, 2007an Bizkaiko Batzar Nagusiek onartutako foru araua, eta esklusiboki eta gehiengo absolutu jeltzalearekin gobernatutako aldundi batek bultzatua. “Foru araua da, Bizkaikoa, eta onartu zenetik ez du inolako aldaketarik jasan. Ondoren, beste euskal lurralde batzuetan, Araban esaterako, emulatu egin da, eta, beraz, EAJ-PNVk erabat sustatu eta onartu du”, esan du.
Ildo horretan, ordezkari jeltzaleak adierazi du euskal enpresen deslokalizaziorako neurriak aztertzeko gaitasunarekin euskal herritarrei mezu positiboa eta itxaropentsua helarazi nahi zaiela. “Deslokalizazioaren gaiak duela 15 urte hartu gintuen, eta orain ere bai. Horregatik, hori aztertzeko bidea zabaltzen jarraitu nahi dugu, eta gai honetan jarrera proaktiboa izan”, ziurtatu du.
