Talde jeltzaleak erakundeen arteko lankidetzaren aldeko apustua azpimarratu du eta Udal Gobernuaren liskar jarrerak Iruni mesederik egiten ez diola agerian geratu dela azpimarratu du
01Azaroak Atzo, Eusko Jaurlaritzak 2025erako aurrekontuak aurkeztu zituen, eta beste behin, gure hiriaren aldeko apustua egin du, Irunen aldeko apustua. Datorren urterako, 5 milioi euro baino gehiago bideratuko ditu Osasunera, Ingurumenera, Etxebizitzara, Gastu Sozialera, Kulturara eta Mugikortasunera.
Irunen aldeko apustu argia, baita gure eskualdeko osasunaren aldekoa ere, datozen hiru urteetan banatuko diren, 18 milioi euro baino gehiagoko apustua, Bidasoan dugun osasun egoera hobetzeko eta etorkizunean Bidasoarako Osasun Arretarako Plan Integrala garatzeko erabiliko direnak. Ixteko dagoen Plana, momentuz, baina beste instalazio batzuen artean, gure hiriaren erdigunean anbulatorio handi bat eraikitzea barne hartzen du, baita Oinaurren anbulatorio berri bat eraikitzea ere, 4 milioi euroko inbertsioa beharko duela aurreikusten dena, eta inguruko bizilagunei lehen mailako arretarako baliabide berri bat eskainiko diona. Eta beste 12 milioi euro hurrengo hiru urteetan banatuta, Comarcal Ospitaleko kirofanoak berritzeko. Hala, Bidasoako bailarari zerbitzu hobea emango dioten azken belaunaldiko ebakuntza gelak ahalbidetuz.
Pozten gara hirian osasun arloan inbertsio garrantzitsu hauek guztiak egingo direlako, baina, era berean, badakigu lehenago ere irits zitezkeela hauek, Irungo Udalak urte batzuk lehenago Osasun Sailetik bertatik, Osakidetzatik, egiten zitzaizkion errekerimenduei garaiz erantzun izan balie. Guk erakundeen arteko lankidetzaren alde egiten dugu, eta inoiz ez beste erakunde batzuekiko liskarraren alde. Azkenean, Bidasoa eskualdeko osasun eremu osoari irtenbidea emango zaiola jakiteak pozten gaitu. Berri paregabea Irunentzat eta Irungo herritar guztientzat.
