Ubarretxenak taldearen konpromisoa eta lanerako gaitasuna nabarmendu ditu: “Eskarmentu handiko pertsonak izango ditut alboan, profil ezberdinekoak eta horrek ikuspegi zabalagoa ematen du, berritzeko gaitasun handiagoa eta balio erantsia Arrasatek aurrera egiten jarrai dezan. Guztiok elkarrekin, orain arte EAJk Arrasaten egindako bideari jarraipena emango diogu”.
27Apirilak Maria Ubarretxenak, datozen udal hauteskundeetarako Arrasateko EAJ-PNVren alkategaiak, 2023-2027 legealdian bidelagun izango duen taldea aurkeztu du JAMEn. Arrasatek aurrera egiten jarraitzeko talde “indartsua, esperientziaduna eta anitza” osatu duela nabarmendu du Ubarretxenak: “Bide honi ilusioz, konpromisoz eta herrigintzan aritzeko gogo handiz heltzen dion taldea”. “Oso eskerturik nago taldekide guztiei, hasieratik proiektu honekiko eta, bereziki, Arrasate eta arrasatearren etorkizuna eraikitzen jarraitzeko erakutsitako ilusio eta konpromisoagatik. Arrasateren eraldaketarekin jarraitzeko proiektu sendoa osatu dugu eta gogotsu gaude arrasatearrekin batera aurrera eramateko”, adierazi du Ubarretxenak.
Ubarretxenak, 2023-2027 legealdirako lehentasun nagusia Arrasateren etorkizuna eraiki eta erronkei heltzea izango dela adierazi du, Arrasatek azken urteetan izan duten eraldaketari jarraipena emanaz. Hala, erronka horiei guztiei behar bezala erantzuteko taldearen lanerako “gaitasunari eta aniztasunari” egin dio erreferentzia: “Arrasatek aurrera egiten jarraitzeko eskarmentu handiko pertsona profesionalak izango ditut alboan, lanerako gaitasun handia dutenak eta profil ezberdin zein anitzekoak. Sigla politikoen haratago, Arrasaterentzat dugun herri proiektu batean firme sinisten duten pertsonez inguratuta nago eta horregatik, gure taldean pertsona independenteak ere baditugu. Ikuspegi zabalagoa, berritzeko gaitasun handiagoa eta 2023-2027 legegintzaldirako balio erantsia ematen duten pertsonen taldea”.
Udalerria eremu guztietan dinamizatzea
Ubarretxenak azaldu duenez, osatutako taldeak ezin hobeto islatzen ditu jeltzaleen ardatz nagusiak. Taldeak merkataritza- eta ostalaritza-sektorean, kultura- eta kirol-ekimenetan eta, oro har, udal-dinamizazioan ezagutza eta esperientzia duten pertsonak ditu. Era berean, Gizarte Zerbitzuekin, enpleguaren sustapenarekin eta hezkuntzarekin lotutako gaietan esperientzia duten bizilagunek ere batu dira herri proiektura. Arrasateko EAJ-PNVko pertsonen zerrendak aniztasuna, esperientzia eta berrikuntza bezalako baloreak elkartzen ditu, taldea eta Arrasate aberasten dituztenak”, nabarmendu du alkategaiak.
Amaitzeko, Ubarretxenak eskerrak eman dizkie 2019-2023 legealdian taldekide izan dituen guztiei: “Guztien lanari esker lortu dugu Arrasate etorkizunera begira jartzea. Zailtasunak zailtasun, EAJko Arrasateko taldeak duela 8 urte emandako hitza bete du eta legealdi konplexu honen baitan, Arrasate hobeago bat eraikitzeko lan gogorra egin dugu, nik, bihotzez, eskertzen dudana”.
EAJ-PNVren TALDEA
1. MARIA UBARRETXENA CID
42 urte Arrasateko Alkate, kooperatibista esedentzian
2. ANDER GARAY ZABALETA
35 urte, zinegotzia, administraria esedentzian
3. EDURNE UNAMUNO RODRIGO
54 urte, irakaslea
4. JON APRAIZ ANSOLA (INDEPENDENTEA / INDEPENDIENTE)
51 urte, Ibai Arteko lehendakari ohia eta osteópata
5. AGURNE JULDAIN ALCALDE
43 urte, Sarea Fundazioan, Bidean Heziketa Zentro Okupazionaleko arduraduna
6. ASIER MUXIKA ALTUNA (INDEPENDIENTEA / INDEPENDIENTE)
54 urte, Kirol teknikaria
7. MAITANE MUÑOZ GOIKOETXEA
38 urte, Osakidetzako langilea
8. BIXENTE ETXEBERRIA IRIARTE
64 urte, Bankuko langile ohia
9. IBON ARRUPE ALDECOCEA
49 urte, Ingeniaria
10. AMAIA ZEZIAGA GARMENDIA
62 urte, Farmaziako langilea
11. XABIER ARRIZABALAGA ARRIZABALAGA
63 urte, udal bridagako langile ohia
12. PEPI GOROSABEL MADINABEITIA
75 urte, Auzo alkatea
13. JON BEREZIBAR URIZAR
41 urte, Komunikazioan aholkularia
14. BELVIS PARDO ABAD
54 urte, Mekanizatuko langilea
15. JOSE RAMON MENDIZABAL ANSOATEGI (INDEPENDENTEA)
78 urte, bankuko langile ohia
16. AMAIA AZPIAZU ARANBURU
73 urte, irakasle ohia
17. PEDRO RUIZ DE AZUA GALDOS
64 urte, kooperatibista ohia
18. SARA SAGASTA URIBESALGO
74 urte, etxeko andrea
19. JUAN RAMON MENDIENTA GARAY
69 urte, agente komertzial ohia
20. JULIAN GARAY ITURBE
80 urte, empresa arduradun ohia
21. ANUSKA EZKURRA ZUBIZARRETA
48 urte, Eusko Jaurlaritzan Komunikazio arduraduna
