Elixabete Murua izango da Errenteriako hautagai jeltzalea datozen udal hauteskundeetan, EAJ-PNVren Udal Batzarrean hautatua izan ondoren.
05Martxoak Elixabete Murua Mindeguia Biologian lizentziatua da eta Lanbide Heziketako irakaslea ere. 2015etik Errenteriko Udaleko zinegotzia izan da, eta hainbat batzordetan parte hartu duenez, bertatik bertara ezagutu ahal izan du Udalaren barruko eta kanpoko funtzionamendua.
Beregan jarritako konfiantza “ilusioz eta arduraz” hartu ondoren, jeltzaleen zerrendaburuak “errenteriarren bizi-kalitatea hobetzeko asmoz aurkezten gara” azpimarratu du. Horretarako “proposamen zehatz eta gauzagarrien programa bat dugu, udal arlo guztiak hartzen dituena eta etorkizuneko erronkei aurre egiteko aukera ematen diguna”. “Izan ere, argi dugu Errenteriaren aldeko proposamenak eta ekarpenak egiteko unea dela, eraginkorrak izatekoa” gaineratu du.
“Politika modu arduratsu eta eraikitzailean gauzatu behar dela sinetsita gaude eta EAJ-PNVren programak Errenteriako benetako beharrei erantzuten die” azpimarratu du. Ildo horretan, politika egiteko modu berri bat indartuko duen proiektu bat garatu nahi dugula azpimarratu du. “Gobernantza ireki eta elkarlanaren aldeko apustua egiten dugu, herritarrek eta erakundeek parte har dezaten, erakundeen arteko lankidetzatik», azaldu du, «uste dugulako talde-lana ezinbestekoa dela gure etorkizuneko proiektua garatzeko, udalerri integratzaileagoa eta inklusiboagoa eraikitzeko».
Azkenik, Elixabete Murua Mindeguiak jeltzaleen hautagaitzaren “sendotasuna” azpimarratu du. Izan ere, “emakume eta gizonen talde honek interes orokorraren defentsa gisa eta zerbitzu publikorako bokazio gisa ulertzen du ekintza politikoa”. “Errenteriaren aldeko apustua egiten dugu eta gure herritarrekin konpromiso sendoa dugu” azpimarratuz amaitu du.
