Europa Solidarioaren aldeko Koalizioaren zerrendaburuak gaur nabarmendu ditu aurreko legealdian garatutako jarduerak, besteak beste Nafarroako Ekonomia Hitzarmenaren defentsa; eta baieztatu du Daniel Innerarity CEUSen zerrendako kide izateak indarra emango diola Europa “gaurko Nafarroa ireki, solidario eta modernoarekin” konektatzeko egiten den apustu honi
OHARRA: Ekitaldiaren irudiak buletin honetatik jaitsi ahal dituzu bereizmen handian.
Europako Parlamentuko euskal diputatuak hitz egiten hasteko laburbildu ditu Uxue Barkos Nafarroako lehendakari andrearen eta Daniel Innerarity Geroa Bairen ordezkari gisa Europa Solidarioaren aldeko Koalizioan aurkezten den hautagaiaren profilak, ekitaldian Bilbao Barandicaren ondoan izan direlarik. “Pertsona prestatuak dira, munduan ezagutzen dute, prestigio profesional eta pertsonal zabala eta ona daukate. Ondare bat dira Aldaketaren Nafarroarentzat. Nafarroa konektatzen dute modernotasunarekin. Erresuma Zaharrera ekarri dute oparotasuna, haize freskoa, bestelako jarrera bat”. Eta azpimarratu du biak direla Europako baliorik onenekin uztartzen diren irekiera, federalismo eta eredu sozialaren adibide.
Orain arte Europako Parlamentuko ALDE taldeko presidenteorde izan dena pozik agertu da aldaketaren gobernuak orain arte eman dituen emaitzekin, “gaurko Nafarroa ireki, solidario eta modernoa” marrazten dutelako. Hazteko bidean dagoen Nafarroa. Saneatua. Europan oso deigarri egiten zaien eredu iraunkor eta jasangarriarekin. Europako defizit eta zor mailarekin. Estatuko langabezia tasarik baxuenarekin. Azkenean Europa mailako hizkuntza politika batekin. Euro erregioan integratutako Nafarroa, enpresei, pertsonei eta herrialdeei ondoen egiten duten horretan kolaboratzeko aukera ematen diena”. Hobekuntza hori alderatu du “betikoek gobernua uzten bazuten iragartzen zuten kataklismoarekin” eta Geroa Bairekin eman den lankidetzaren ondorioz bideratu ahal izan diren gaiak ekarri ditu gogora.
Ildo horretatik gogoratu du Bruselara iritsi zirela Scolae programa eta Solana sailburu andreak jasan zituen erasoak. Egoera horrek eragin zuen Europa osoak Nafarroa txalotzea, bere ekimen berritzailea, aitzindaria. Era berean txalotu zuen “nik sinesten dizut” goiburua, “Manadaren” biktima babesteko egin zena. Ildo beretik deskribatu du Geroa Bai koalizioak Europan bete duen eginkizuna “Nafarroaren ikuskera baztertzailea, laburra eta itxia dutenen aurrean. Kolaboratzea disolbatzea dela esaten dutenen aurrean. Gertaerek, behin eta berriz, elkarbizitza bizkarra ematea baino hobea dela erakutsi arren”.
Era berean “betikoei” deitoratu die horrenbeste kostatu izana aldaketaren balioa aitortzea, eta nabarmendu du Nafarroan egiteko era hori utzi duen aztarna, Barcosen Gobernuak “indarkeria hurbilenak eta atzoko indarkeriak” utzitako biktimen alde eginikoa, “betikoei” aitortzea eta erreparatzea horrenbeste kostatu izana deitoratu duelarik. “Geroa Bairen bultzada funtsezkoa izan da Europara eramateko 78ko San Ferminetako auzia, Patxi Zamorak bizi duen egoera edo Altsasuko gertakariengatik kondenatutako gazteak sufritzen ari direna. Berdin jarraituko dugu, esan du “hurkoari laguntzeko orduan ez diogulako inoren matrikula edo kolore politikoari erreparatzen, gauzen politika interesatzen zaigulako, laguntza eskaintzen duena”.
CEUSen zerrendaburuak amaitzeko esan ditu CEUSen Geroa Bairen hautagai Daniel Innerarity goraipatzeko hitzak. “Mundu mailako espezialista da gauzen politikaren defentsan, politikaren gauzekin alderatuz. Konponbide konplexuak ematen ditu besteek titularrak eta txioak egiten dituzten bitartean. Luxua da Koalizio honentzat. Erantzun serio, lasai eta modernoa, amaitu du, behetik gora eraiki dezagun behar dugun Europa babesle, gizalegezko, berde eta soziala”.
